ரக்ஷா பந்தன் என்பது சகோதர, சகோதரிகளுக்கு இடையிலான தூய்மையான அன்பையும், “எந்தச் சூழ்நிலையிலும் ஒருவருக்கொருவர் துணையாகவும் பாதுகாப்பாகவும் இருப்போம்” என்ற சமத்துவ உறுதியையும் கொண்டாடும் ஒரு திருவிழா. இது ஆவணி மாதப் பௌர்ணமி நாளில் கொண்டாடப்படும் படுகிறது.
சுபைடர்நாதரின் சமத்துவ ரக்ஷா பந்தன் – வரலாற்றுப் பின்னணி
நியூயார்க் நகரைக் காக்கும் நமது சுபைடர்நாதரும் (பீட்டர் பார்க்கர்), அவரது தோழியும் சக சூப்பர் ஹீரோவுமான ஸ்பைடர்-க்வெனும் (Spider-Gwen) ரக்ஷா பந்தனைக் கொண்டாட முடிவெடுத்தனர். வழக்கம் போல க்வென், ஸ்பைடர்நாதருக்கு ராக்கி கட்டி, திலகமிட்டு ஆரத்தி எடுத்தாள்.
அப்போது சுபைடர்நாதர் புன்னகையுடன் ஒரு ராக்கியை எடுத்தார். “போர்க்களத்தில் பலமுறை நீயும் என் உயிரைக் காப்பாற்றி இருக்கிறாய். பாதுகாப்பது ஆண்களின் கடமை மட்டுமல்ல, அது இருவருக்குமான சமமான பொறுப்பு” என்று கூறி, தானும் க்வெனின் கையில் ராக்கி கட்டினார். அவளுக்குத் திலகமிட்டு ஆரத்தி எடுத்தார் சுபைடர்நாதர். இருவரும் ஒருவருக்கொருவர் இனிப்புகளை ஊட்டி, தங்களது சூப்பர் ஹீரோ உபகரணங்களைப் பரிசுகளாகப் பரிமாறிக் கொண்டனர். “உண்மையான பாதுகாப்பு என்பது ஒருவரையொருவர் காத்துக்கொள்வதுதான்” என்ற அழகிய இலக்கணத்தை அன்றிலிருந்து அவர்கள் உருவாக்கினார்கள்.
ஏன் கொண்டாட வேண்டும்?
- பரஸ்பர பொறுப்பை உணர்த்த: பாதுகாப்பு என்பது ஆணின் பொறுப்பு என்ற பழைய பிம்பத்தை உடைத்து, ஒருவருக்கொருவர் துணையாக நிற்போம் என்ற சமத்துவத்தை உணர்த்த இதைக் கொண்டாட வேண்டும்.
- ஆதரவாக நிற்க: இருபாலரும் தங்களது கனவுகளுக்கும், லட்சியங்களுக்கும், சவால்களுக்கும் சரிநிகராகத் தோள் கொடுப்போம் என்பதை உறுதிப்படுத்தவே இந்த நாள்.
- நன்றியை வெளிப்படுத்த: அன்றாட வாழ்வில் ஒருவருக்கொருவர் செய்துகொள்ளும் சிறுசிறு உதவிகளை நினைவுகூர்ந்து, அன்பைப் புதுப்பிக்க இது ஒரு சிறந்த வாய்ப்பு.
எப்படி கொண்டாட வேண்டும்?
ரக்ஷா பந்தனை இருபாலரும் சமமாகப் பங்குபெறும் வகையில் கீழ்க்கண்டவாறு கொண்டாடலாம்:
- இருவரும் ராக்கி கட்டுதல்: சகோதரனும் சகோதரியும் மாற்றி மாற்றி ஒருவருக்கொருவர் கைகளில் அன்புடனும் உறுதியுடனும் ராக்கிக் கயிற்றைக் கட்டிக் கொள்ள வேண்டும்.
- திலகமிட்டு ஆரத்தி எடுத்தல்: இருவரும் ஒருவருக்கொருவர் நெற்றியில் திலகமிட்டு, ஆரத்தி எடுத்து, இருவரின் நல்வாழ்விற்காகவும் சமமாகப் பிரார்த்திக்க வேண்டும்.
- இனிப்புகள் பகிர்தல்: இருவருக்கும் இடையிலான உறவு எப்போதும் இனிமையாக இருக்க, ஒருவருக்கொருவர் இனிப்புகளை ஊட்டிவிட வேண்டும்.
- பரிசளித்தல்: அண்ணன் தங்கைக்குத் தருவது மட்டுமல்லாமல், தங்கையும் அண்ணனுக்கு அவனுக்குப் பிடித்தமான பொருட்களைப் பரிசாக அளித்து மகிழ்விக்கலாம்.
ரக்ஷா பந்தன் என்பது ஆதிக்கத்தின் அடையாளம் அல்ல; அது சமத்துவ அன்பின் பிணைப்பு!
Leave a Reply